श्री गणेश अथर्वशीर्ष

Text

View

ॐ भद्रं कर्णेभिः शृणुयाम देवा । भद्रं पश्येमाक्षभिर्यजत्राः । स्थिरैरंगैस्तुष्टुवांसस्तनूभिः । व्यशेम देवहितं यदायुः ॥ स्वस्ति न इन्द्रो वृद्धश्रवाः । स्वस्ति नः पूषा विश्ववेदाः । स्वस्ति नस्तार्क्ष्यो अरिष्टनेमिः । स्वस्ति नो बृहस्पतिर्दधातु ॥ ॐ शांतिः । शांतिः । शांतिः ॥

oṃ bhadraṃ karṇebhiḥ śṛṇuyāma devā | bhadraṃ paśyemākṣabhiryajatrāḥ | sthirairaṃgaistuṣṭuvāṃsastanūbhiḥ | vyaśema devahitaṃ yadāyuḥ || svasti na indro vṛddhaśravāḥ | svasti naḥ pūṣā viśvavedāḥ | svasti nastārkṣyo ariṣṭanemiḥ | svasti no bṛhaspatirdadhātu || oṃ śāṃtiḥ | śāṃtiḥ | śāṃtiḥ ||

Meaning

Om. O gods, may we hear with our ears only what is auspicious; O worshipful ones, may we see with our eyes only what is auspicious, and, praising you with steady limbs and bodies, may we live out the span of life the gods have granted. May Indra of great renown, all-knowing Pushan, Tarkshya (Garuda) whose course is unhindered, and Brihaspati bestow well-being on us. Om peace, peace, peace.

ॐ नमस्ते गणपतये । त्वमेव प्रत्यक्षं तत्त्वमसि । त्वमेव केवलं कर्ताऽसि । त्वमेव केवलं धर्ताऽसि । त्वमेव केवलं हर्ताऽसि । त्वमेव सर्वं खल्विदं ब्रह्मासि । त्वं साक्षादात्माऽसि नित्यम् ॥

oṃ namaste gaṇapataye | tvameva pratyakṣaṃ tattvamasi | tvameva kevalaṃ kartā'si | tvameva kevalaṃ dhartā'si | tvameva kevalaṃ hartā'si | tvameva sarvaṃ khalvidaṃ brahmāsi | tvaṃ sākṣādātmā'si nityam ||

ऋतं वच्मि । सत्यं वच्मि ॥

ṛtaṃ vacmi | satyaṃ vacmi ||

अव त्वं माम् । अव वक्तारम् । अव श्रोतारम् । अव दातारम् । अव धातारम् । अवानूचानमव शिष्यम् । अव पश्चात्तात् । अव पुरस्तात् । अवोत्तरात्तात् । अव दक्षिणात्तात् । अव चोर्ध्वात्तात् । अवाधरात्तात् । सर्वतो मां पाहि पाहि समन्तात् ॥

ava tvaṃ mām | ava vaktāram | ava śrotāram | ava dātāram | ava dhātāram | avānūcānamava śiṣyam | ava paścāttāt | ava purastāt | avottarāttāt | ava dakṣiṇāttāt | ava cordhvāttāt | avādharāttāt | sarvato māṃ pāhi pāhi samantāt ||

त्वं वाङ्मयस्त्वं चिन्मयः । त्वमानन्दमयस्त्वं ब्रह्ममयः । त्वं सच्चिदानन्दाऽद्वितीयोऽसि । त्वं प्रत्यक्षं ब्रह्मासि । त्वं ज्ञानमयो विज्ञानमयोऽसि ॥

tvaṃ vāṅmayastvaṃ cinmayaḥ | tvamānandamayastvaṃ brahmamayaḥ | tvaṃ saccidānandā'dvitīyo'si | tvaṃ pratyakṣaṃ brahmāsi | tvaṃ jñānamayo vijñānamayo'si ||

सर्वं जगदिदं त्वत्तो जायते । सर्वं जगदिदं त्वत्तस्तिष्ठति । सर्वं जगदिदं त्वयि लयमेष्यति । सर्वं जगदिदं त्वयि प्रत्येति । त्वं भूमिरापोऽनलोऽनिलो नभः । त्वं चत्वारि वाक्पदानि ॥

sarvaṃ jagadidaṃ tvatto jāyate | sarvaṃ jagadidaṃ tvattastiṣṭhati | sarvaṃ jagadidaṃ tvayi layameṣyati | sarvaṃ jagadidaṃ tvayi pratyeti | tvaṃ bhūmirāpo'nalo'nilo nabhaḥ | tvaṃ catvāri vākpadāni ||

त्वं गुणत्रयातीतः । त्वमवस्थात्रयातीतः । त्वं देहत्रयातीतः । त्वं कालत्रयातीतः । त्वं मूलाधारस्थितोऽसि नित्यम् । त्वं शक्तित्रयात्मकः । त्वां योगिनो ध्यायन्ति नित्यम् । त्वं ब्रह्मा त्वं विष्णुस्त्वं रुद्रस्त्वमिन्द्रस्त्वमग्निस्त्वं वायुस्त्वं सूर्यस्त्वं चन्द्रमास्त्वं ब्रह्म भूर्भुवः स्वरोम् ॥

tvaṃ guṇatrayātītaḥ | tvamavasthātrayātītaḥ | tvaṃ dehatrayātītaḥ | tvaṃ kālatrayātītaḥ | tvaṃ mūlādhārasthito'si nityam | tvaṃ śaktitrayātmakaḥ | tvāṃ yogino dhyāyanti nityam | tvaṃ brahmā tvaṃ viṣṇustvaṃ rudrastvamindrastvamagnistvaṃ vāyustvaṃ sūryastvaṃ candramāstvaṃ brahma bhūrbhuvaḥ svarom ||

गणादिं पूर्वमुच्चार्य वर्णादिं तदनन्तरम् । अनुस्वारः परतरः । अर्धेन्दुलसितम् । तारेण ऋद्धम् । एतत्तव मनुस्वरूपम् । गकारः पूर्वरूपम् । अकारो मध्यमरूपम् । अनुस्वारश्चान्त्यरूपम् । बिन्दुरुत्तररूपम् । नादः सन्धानम् । संहिता सन्धिः । सैषा गणेशविद्या । गणक ऋषिः । निचृद्गायत्रीच्छन्दः । गणपतिर्देवता । ॐ गं गणपतये नमः ॥

gaṇādiṃ pūrvamuccārya varṇādiṃ tadanantaram | anusvāraḥ parataraḥ | ardhendulasitam | tāreṇa ṛddham | etattava manusvarūpam | gakāraḥ pūrvarūpam | akāro madhyamarūpam | anusvāraścāntyarūpam | binduruttararūpam | nādaḥ sandhānam | saṃhitā sandhiḥ | saiṣā gaṇeśavidyā | gaṇaka ṛṣiḥ | nicṛdgāyatrīcchandaḥ | gaṇapatirdevatā | oṃ gaṃ gaṇapataye namaḥ ||

एकदन्ताय विद्महे वक्रतुण्डाय धीमहि । तन्नो दन्तिः प्रचोदयात् ॥

ekadantāya vidmahe vakratuṇḍāya dhīmahi | tanno dantiḥ pracodayāt ||

एकदन्तं चतुर्हस्तं पाशमङ्कुशधारिणम् । रदं च वरदं हस्तैर्बिभ्राणं मूषकध्वजम् । रक्तं लम्बोदरं शूर्पकर्णकं रक्तवाससम् । रक्तगन्धानुलिप्ताङ्गं रक्तपुष्पैः सुपूजितम् । भक्तानुकम्पिनं देवं जगत्कारणमच्युतम् । आविर्भूतं च सृष्ट्यादौ प्रकृतेः पुरुषात्परम् । एवं ध्यायति यो नित्यं स योगी योगिनां वरः ॥

ekadantaṃ caturhastaṃ pāśamaṅkuśadhāriṇam | radaṃ ca varadaṃ hastairbibhrāṇaṃ mūṣakadhvajam | raktaṃ lambodaraṃ śūrpakarṇakaṃ raktavāsasam | raktagandhānuliptāṅgaṃ raktapuṣpaiḥ supūjitam | bhaktānukampinaṃ devaṃ jagatkāraṇamacyutam | āvirbhūtaṃ ca sṛṣṭyādau prakṛteḥ puruṣātparam | evaṃ dhyāyati yo nityaṃ sa yogī yogināṃ varaḥ ||

Meaning

Single-tusked and four-armed, bearing the noose and the goad, holding His broken tusk and the boon-granting gesture in His hands, with the mouse as His banner; red, large-bellied, with winnowing-fan ears and red garments; His body smeared with red sandal-paste and worshipped with red flowers; the compassionate Lord, the cause of the universe, the imperishable One, who appeared at the dawn of creation, beyond Prakriti and Purusha — whoever meditates thus, ever, is the foremost among yogis.

नमो व्रातपतये नमो गणपतये नमः प्रमथपतये नमस्तेऽस्तु लम्बोदरायैकदन्ताय विघ्ननाशिने शिवसुताय श्रीवरदमूर्तये नमो नमः ॥

namo vrātapataye namo gaṇapataye namaḥ pramathapataye namaste'stu lambodarāyaikadantāya vighnanāśine śivasutāya śrīvaradamūrtaye namo namaḥ ||

एतदथर्वशीर्षं योऽधीते । स ब्रह्मभूयाय कल्पते । स सर्वतः सुखमेधते । स सर्वविघ्नैर्न बाध्यते । स पंचमहापापात्प्रमुच्यते । सायमधीयानो दिवसकृतं पापं नाशयति । प्रातरधीयानो रात्रिकृतं पापं नाशयति । सायंप्रातः प्रयुंजानो अपापो भवति । सर्वत्राधीयानोऽपविघ्नो भवति । धर्मार्थकाममोक्षं च विंदति । इदमथर्वशीर्षमशिष्याय न देयम् । यो यदि मोहाद्दास्यति स पापीयान् भवति । सहस्रावर्तनात् यं यं काममधीते तं तमनेन साधयेत् ॥

etadatharvaśīrṣaṃ yo'dhīte | sa brahmabhūyāya kalpate | sa sarvataḥ sukhamedhate | sa sarvavighnairna bādhyate | sa paṃcamahāpāpātpramucyate | sāyamadhīyāno divasakṛtaṃ pāpaṃ nāśayati | prātaradhīyāno rātrikṛtaṃ pāpaṃ nāśayati | sāyaṃprātaḥ prayuṃjāno apāpo bhavati | sarvatrādhīyāno'pavighno bhavati | dharmārthakāmamokṣaṃ ca viṃdati | idamatharvaśīrṣamaśiṣyāya na deyam | yo yadi mohāddāsyati sa pāpīyān bhavati | sahasrāvartanāt yaṃ yaṃ kāmamadhīte taṃ tamanena sādhayet ||

Meaning

Whoever studies this Atharvashirsha becomes fit to attain Brahman, prospers in happiness on every side, is hindered by no obstacle and is freed from the five great sins. Recited at evening it destroys the sins of the day, at morning the sins of the night; recited at both times one becomes sinless, recited everywhere one becomes free of obstacles and gains dharma, artha, kama and moksha. It must not be given to one who is not a disciple — whoever gives it out of delusion incurs sin; and by reciting it a thousand times, whatever wish one holds is accomplished through it.

अनेन गणपतिमभिषिंचति स वाग्मी भवति । चतुर्थ्यामनश्नन् जपति स विद्यावान् भवति । स यशोवान् भवति । इत्यथर्वणवाक्यम् । ब्रह्माद्यावरणं विद्यात् न बिभेति कदाचनेति ॥

anena gaṇapatimabhiṣiṃcati sa vāgmī bhavati | caturthyāmanaśnan japati sa vidyāvān bhavati | sa yaśovān bhavati | ityatharvaṇavākyam | brahmādyāvaraṇaṃ vidyāt na bibheti kadācaneti ||

यो दूर्वांकुरैर्यजति स वैश्रवणोपमो भवति । यो लाजैर्यजति स यशोवान् भवति । स मेधावान् भवति । यो मोदकसहस्रेण यजति स वाञ्छितफलमवाप्नोति । यः साज्यसमिद्भिर्यजति स सर्वं लभते स सर्वं लभते ॥

yo dūrvāṃkurairyajati sa vaiśravaṇopamo bhavati | yo lājairyajati sa yaśovān bhavati | sa medhāvān bhavati | yo modakasahasreṇa yajati sa vāñchitaphalamavāpnoti | yaḥ sājyasamidbhiryajati sa sarvaṃ labhate sa sarvaṃ labhate ||

अष्टौ ब्राह्मणान् सम्यग्ग्राहयित्वा सूर्यवर्चस्वी भवति । सूर्यग्रहे महानद्यां प्रतिमासंनिधौ वा जप्त्वा सिद्धमंत्रो भवति । महाविघ्नात्प्रमुच्यते । महादोषात्प्रमुच्यते । महापापात् प्रमुच्यते । स सर्वविद्भवति स सर्वविद्भवति । य एवं वेद इत्युपनिषत् ॥

aṣṭau brāhmaṇān samyaggrāhayitvā sūryavarcasvī bhavati | sūryagrahe mahānadyāṃ pratimāsaṃnidhau vā japtvā siddhamaṃtro bhavati | mahāvighnātpramucyate | mahādoṣātpramucyate | mahāpāpāt pramucyate | sa sarvavidbhavati sa sarvavidbhavati | ya evaṃ veda ityupaniṣat ||

ॐ सह नाववतु । सह नौ भुनक्तु । सह वीर्यं करवावहै । तेजस्विनावधीतमस्तु मा विद्विषावहै ॥ ॐ भद्रं कर्णेभिः शृणुयाम देवा । भद्रं पश्येमाक्षभिर्यजत्राः । स्थिरैरंगैस्तुष्टुवांसस्तनूभिः । व्यशेम देवहितं यदायुः ॥ स्वस्ति न इन्द्रो वृद्धश्रवाः । स्वस्ति नः पूषा विश्ववेदाः । स्वस्ति नस्तार्क्ष्यो अरिष्टनेमिः । स्वस्ति नो बृहस्पतिर्दधातु ॥ ॐ शांतिः । शांतिः । शांतिः ॥

oṃ saha nāvavatu | saha nau bhunaktu | saha vīryaṃ karavāvahai | tejasvināvadhītamastu mā vidviṣāvahai || oṃ bhadraṃ karṇebhiḥ śṛṇuyāma devā | bhadraṃ paśyemākṣabhiryajatrāḥ | sthirairaṃgaistuṣṭuvāṃsastanūbhiḥ | vyaśema devahitaṃ yadāyuḥ || svasti na indro vṛddhaśravāḥ | svasti naḥ pūṣā viśvavedāḥ | svasti nastārkṣyo ariṣṭanemiḥ | svasti no bṛhaspatirdadhātu || oṃ śāṃtiḥ | śāṃtiḥ | śāṃtiḥ ||

Meaning

ऋतं वच्मि । सत्यं वच्मि ॥

ṛtaṃ vacmi | satyaṃ vacmi ||

tvaṃ vāṅmayastvaṃ cinmayaḥ | tvamānandamayastvaṃ brahmamayaḥ | tvaṃ saccidānandā'dvitīyo'si | tvaṃ pratyakṣaṃ brahmāsi | tvaṃ jñānamayo vijñānamayo'si ||

एकदन्ताय विद्महे वक्रतुण्डाय धीमहि । तन्नो दन्तिः प्रचोदयात् ॥

ekadantāya vidmahe vakratuṇḍāya dhīmahi | tanno dantiḥ pracodayāt ||

Meaning

namo vrātapataye namo gaṇapataye namaḥ pramathapataye namaste'stu lambodarāyaikadantāya vighnanāśine śivasutāya śrīvaradamūrtaye namo namaḥ ||

Meaning

The Ganapati Atharvashirsha, an Upanishadic hymn to Lord Ganesha invoking Him as the supreme Brahman.

Sources 1

Sahaja Yoga "Sahaj Geet" pustika — Traditional deity bhajans only

References 2

sanskritdocuments.org — Full text with section order: शान्ति पाठ, उपनिषत् (१-१०), फलश्रुति (११-१४), शान्ति मंत्र. Phala-shruti (११-१४) and closing शान्ति मंत्र quoted from here; current verses 1-10 match it (only punctuation/sandhi spelling differences)
Checked against this text when the bhajan was restored to its full form.

Licence: Verified against sanskritdocuments.org
sanskritdocuments.org — Second sanskritdocuments edition (saartha). Used for the opening शान्ति पाठ, which here is the standard भद्रं कर्णेभिः + स्वस्ति न इन्द्रो + ॐ शांतिः; atharva.html additionally inserts four Taittiriya lines 'ॐ तन्मामवतु / तद् वक्तारमवतु / अवतु माम् / अवतु वक्तारम्' that are not part of the usual recitation. Its phala-shruti and closing text agree with atharva.html.
Checked against this text when the bhajan was restored to its full form.

Licence: Verified against sanskritdocuments.org

This content is compiled and edited by the Ved Path team, and is being progressively reviewed for accuracy.

श्री गणेश अथर्वशीर्ष

Sources 1

References 2

Report an issue

Related Content 4

गणेश प्रथम स्मरणम्

जय गणेश जय गणेश जय गणेश प्यारे

जय जय गणपति जयति गणेश

गणेश शरणम्, शरणम् गणेश

Explore More 8

Aartis

Shri Ganesh Aarti - Jai Ganesh Jai Ganesh Deva

Chalisas

Ganesh Chalisa

Mantras

Ganesh Mantra

Kavach

Ganesha Kavacham

108 Names

Ganesha Ashtottara Shatanamavali - 108 Names of Lord Ganesha

Deities

Ganesh

Festivals

Diwali (Deepavali)

Ganesh Chaturthi