ॐ अस्य श्रीचण्डीकवचस्य ब्रह्मा ऋषिः , अनुष्टुप् छन्दः ,
चामुण्डा देवता , अङ्गन्यासोक्तमातरो बीजम् ,
दिग्बन्धदेवतास्तत्त्वम् , श्रीजगदम्बाप्रीत्यर्थे सप्तशतीपाठाङ्गत्वेन जपे विनियोगः ।
Meaning Om. Viniyoga (declaration of use): Of this Śrī Caṇḍī Kavaca, the seer (ṛṣi) is Brahmā, the metre (chandas) is Anuṣṭubh, the presiding deity (devatā) is Cāmuṇḍā, the Mother-goddesses named in the aṅga-nyāsa are the seed (bīja), and the deities who bind the directions (dig-bandha) are its essence (tattva); it is employed in recitation as a limb of the Saptaśatī reading, for the pleasure of Śrī Jagadambā.
ॐ नमश्चण्डिकायै ।
oṃ namaścaṇḍikāyai |
Meaning Om. Salutations to Caṇḍikā.
मार्कण्डेय उवाच ।
mārkaṇḍeya uvāca |
ॐ यद्गुह्यं परमं लोके सर्वरक्षाकरं नृणाम् ।
यन्न कस्यचिदाख्यातं तन्मे ब्रूहि पितामह ॥ १॥
oṃ yadguhyaṃ paramaṃ loke sarvarakṣākaraṃ nṛṇām |
yanna kasyacidākhyātaṃ tanme brūhi pitāmaha || 1||
Meaning Om. O Grandsire (Brahmā), tell me that supremely secret thing in the world which affords complete protection to men and which has never been disclosed to anyone.
ब्रह्मोवाच ।
brahmovāca |
अस्ति गुह्यतमं विप्र सर्वभूतोपकारकम् ।
देव्यास्तु कवचं पुण्यं तच्छृणुष्व महामुने ॥ २॥
asti guhyatamaṃ vipra sarvabhūtopakārakam |
devyāstu kavacaṃ puṇyaṃ tacchṛṇuṣva mahāmune || 2||
Meaning O Vipra (learned sage), there exists a most secret and holy armour (kavaca) of the Goddess, which benefits all beings. Listen to it, O great sage.
प्रथमं शैलपुत्री च द्वितीयं ब्रह्मचारिणी ।
तृतीयं चन्द्रघण्टेति कूष्माण्डेति चतुर्थकम् ॥ ३॥
prathamaṃ śailaputrī ca dvitīyaṃ brahmacāriṇī |
tṛtīyaṃ candraghaṇṭeti kūṣmāṇḍeti caturthakam || 3||
Meaning The first (form of the Goddess) is Śailaputrī, the second Brahmacāriṇī, the third is called Candraghaṇṭā, and the fourth Kūṣmāṇḍā.
पञ्चमं स्कन्दमातेति षष्ठं कात्यायनीति च ।
सप्तमं कालरात्रीति महागौरीति चाष्टमम् ॥ ४॥
pañcamaṃ skandamāteti ṣaṣṭhaṃ kātyāyanīti ca |
saptamaṃ kālarātrīti mahāgaurīti cāṣṭamam || 4||
Meaning The fifth is called Skandamātā, the sixth Kātyāyanī, the seventh Kālarātri, and the eighth Mahāgaurī.
नवमं सिद्धिदात्री च नवदुर्गाः प्रकीर्तिताः ।
उक्तान्येतानि नामानि ब्रह्मणैव महात्मना ॥ ५॥
navamaṃ siddhidātrī ca navadurgāḥ prakīrtitāḥ |
uktānyetāni nāmāni brahmaṇaiva mahātmanā || 5||
Meaning The ninth is Siddhidātrī — thus are proclaimed the Nine Durgās (Navadurgā). These names have been declared by the great-souled Brahmā himself.
अग्निना दह्यमानस्तु शत्रुमध्ये गतो रणे ।
विषमे दुर्गमे चैव भयार्ताः शरणं गताः ॥ ६॥
agninā dahyamānastu śatrumadhye gato raṇe |
viṣame durgame caiva bhayārtāḥ śaraṇaṃ gatāḥ || 6||
Meaning One who is being burned by fire, who has fallen among enemies in battle, or who is in a difficult and impassable place — those who, tormented by fear, take refuge (in the Goddess) —
न तेषां जायते किञ्चिदशुभं रणसङ्कटे ।
नापदं तस्य पश्यामि शोकदुःखभयं न हि ॥ ७॥
na teṣāṃ jāyate kiñcidaśubhaṃ raṇasaṅkaṭe |
nāpadaṃ tasya paśyāmi śokaduḥkhabhayaṃ na hi || 7||
Meaning — nothing inauspicious befalls them in the peril of battle. I see no calamity for such a one; indeed, there is no grief, sorrow or fear for him.
यैस्तु भक्त्या स्मृता नूनं तेषां वृद्धिः प्रजायते ।
ये त्वां स्मरन्ति देवेशि रक्षसे तान्न संशयः ॥ ८॥
yaistu bhaktyā smṛtā nūnaṃ teṣāṃ vṛddhiḥ prajāyate |
ye tvāṃ smaranti deveśi rakṣase tānna saṃśayaḥ || 8||
Meaning Those by whom You are remembered with devotion surely prosper. O Deveśī (Queen of the gods), those who remember You, You protect; of this there is no doubt.
प्रेतसंस्था तु चामुण्डा वाराही महिषासना ।
ऐन्द्री गजसमारूढा वैष्णवी गरुडासना ॥ ९॥
pretasaṃsthā tu cāmuṇḍā vārāhī mahiṣāsanā |
aindrī gajasamārūḍhā vaiṣṇavī garuḍāsanā || 9||
Meaning Cāmuṇḍā is seated upon a corpse (preta), Vārāhī is mounted on a buffalo, Aindrī (Indrāṇī) rides an elephant, and Vaiṣṇavī is seated on Garuḍa.
माहेश्वरी वृषारूढा कौमारी शिखिवाहना ।
लक्ष्मीः पद्मासना देवी पद्महस्ता हरिप्रिया ॥ १०॥
māheśvarī vṛṣārūḍhā kaumārī śikhivāhanā |
lakṣmīḥ padmāsanā devī padmahastā haripriyā || 10||
Meaning Māheśvarī is mounted on a bull, and Kaumārī has the peacock as her mount. The Goddess Lakṣmī is seated on a lotus, holds a lotus in her hand, and is dear to Hari (Viṣṇu).
श्वेतरूपधरा देवी ईश्वरी वृषवाहना ।
ब्राह्मी हंससमारूढा सर्वाभरणभूषिता ॥ ११॥
śvetarūpadharā devī īśvarī vṛṣavāhanā |
brāhmī haṃsasamārūḍhā sarvābharaṇabhūṣitā || 11||
Meaning The Goddess Īśvarī, bearing a white form, rides a bull. Brāhmī is mounted on a swan (haṃsa) and adorned with all ornaments.
इत्येता मातरः सर्वाः सर्वयोगसमन्विताः ।
नानाभरणशोभाढ्या नानारत्नोपशोभिताः ॥ १२॥
ityetā mātaraḥ sarvāḥ sarvayogasamanvitāḥ |
nānābharaṇaśobhāḍhyā nānāratnopaśobhitāḥ || 12||
Meaning Thus all these Mother-goddesses are endowed with every yogic power; they are rich in the splendour of many kinds of ornaments and adorned with various gems.
दृश्यन्ते रथमारूढा देव्यः क्रोधसमाकुलाः ।
शङ्खं चक्रं गदां शक्तिं हलं च मुसलायुधम् ॥ १३॥
dṛśyante rathamārūḍhā devyaḥ krodhasamākulāḥ |
śaṅkhaṃ cakraṃ gadāṃ śaktiṃ halaṃ ca musalāyudham || 13||
Meaning These goddesses are seen mounted on chariots, filled with wrath. (They bear) the conch, the discus, the mace, the śakti-spear, the plough and the pestle-weapon (musala) —
खेटकं तोमरं चैव परशुं पाशमेव च ।
कुन्तायुधं त्रिशूलं च शार्ङ्गमायुधमुत्तमम् ॥ १४॥
kheṭakaṃ tomaraṃ caiva paraśuṃ pāśameva ca |
kuntāyudhaṃ triśūlaṃ ca śārṅgamāyudhamuttamam || 14||
Meaning — the shield (kheṭaka), the tomara (iron javelin), the axe (paraśu), the noose (pāśa), the lance (kunta), the trident (triśūla), and that excellent weapon, the Śārṅga bow —
दैत्यानां देहनाशाय भक्तानामभयाय च ।
धारयन्त्यायुधानीत्थं देवानां च हिताय वै ॥ १५॥
daityānāṃ dehanāśāya bhaktānāmabhayāya ca |
dhārayantyāyudhānītthaṃ devānāṃ ca hitāya vai || 15||
Meaning — these weapons they bear thus, for destroying the bodies of the demons (daityas), for granting fearlessness to the devotees, and for the welfare of the gods.
नमस्तेऽस्तु महारौद्रे महाघोरपराक्रमे ।
महाबले महोत्साहे महाभयविनाशिनि ॥ १६॥
namaste'stu mahāraudre mahāghoraparākrame |
mahābale mahotsāhe mahābhayavināśini || 16||
Meaning Salutations to You, O greatly fierce one (Mahāraudrā), of terribly awful prowess; O one of great strength and great vigour, destroyer of great fear.
त्राहि मां देवि दुष्प्रेक्ष्ये शत्रूणां भयवर्धिनि ।
प्राच्यां रक्षतु मामैन्द्री आग्नेय्यामग्निदेवता ॥ १७॥
trāhi māṃ devi duṣprekṣye śatrūṇāṃ bhayavardhini |
prācyāṃ rakṣatu māmaindrī āgneyyāmagnidevatā || 17||
Meaning O Goddess hard even to look upon (duṣprekṣyā), who increases the terror of enemies, protect me. May Aindrī protect me in the east, and the fire-deity (Agnidevatā) in the southeast.
दक्षिणेऽवतु वाराही नैर्ऋत्यां खड्गधारिणी ।
प्रतीच्यां वारुणी रक्षेद् वायव्यां मृगवाहिनी ॥ १८॥
dakṣiṇe'vatu vārāhī nairṛtyāṃ khaḍgadhāriṇī |
pratīcyāṃ vāruṇī rakṣed vāyavyāṃ mṛgavāhinī || 18||
Meaning May Vārāhī protect in the south, the sword-bearer (Khaḍgadhāriṇī) in the southwest, Vāruṇī in the west, and Mṛgavāhinī (rider of the deer) in the northwest.
उदीच्यां पातु कौमारी ऐशान्यां शूलधारिणी ।
ऊर्ध्वं ब्रह्माणि मे रक्षेदधस्ताद् वैष्णवी तथा ॥ १९॥
udīcyāṃ pātu kaumārī aiśānyāṃ śūladhāriṇī |
ūrdhvaṃ brahmāṇi me rakṣedadhastād vaiṣṇavī tathā || 19||
Meaning May Kaumārī protect in the north and Śūladhāriṇī (bearer of the trident) in the northeast. May Brahmāṇī protect me above, and Vaiṣṇavī likewise below.
एवं दश दिशो रक्षेच्चामुण्डा शववाहना ।
जया मे चाग्रतः पातु विजया पातु पृष्ठतः ॥ २०॥
evaṃ daśa diśo rakṣeccāmuṇḍā śavavāhanā |
jayā me cāgrataḥ pātu vijayā pātu pṛṣṭhataḥ || 20||
Meaning Thus may Cāmuṇḍā, who rides a corpse (śava-vāhanā), protect the ten directions. May Jayā protect me in front, and Vijayā from behind.
अजिता वामपार्श्वे तु दक्षिणे चापराजिता ।
शिखामुद्योतिनी रक्षेदुमा मूर्ध्नि व्यवस्थिता ॥ २१॥
ajitā vāmapārśve tu dakṣiṇe cāparājitā |
śikhāmudyotinī rakṣedumā mūrdhni vyavasthitā || 21||
Meaning May Ajitā protect the left side and Aparājitā the right. May Udyotinī protect the topknot (śikhā), and Umā, stationed on the crown of the head, (protect it).
मालाधरी ललाटे च भ्रुवौ रक्षेद् यशस्विनी ।
त्रिनेत्रा च भ्रुवोर्मध्ये यमघण्टा च नासिके ॥ २२॥
mālādharī lalāṭe ca bhruvau rakṣed yaśasvinī |
trinetrā ca bhruvormadhye yamaghaṇṭā ca nāsike || 22||
Meaning May Mālādharī protect the forehead and Yaśasvinī the eyebrows; Trinetrā the space between the eyebrows, and Yamaghaṇṭā the nose.
शङ्खिनी चक्षुषोर्मध्ये श्रोत्रयोर्द्वारवासिनी ।
कपोलौ कालिका रक्षेत्कर्णमूले तु शाङ्करी ॥ २३॥
śaṅkhinī cakṣuṣormadhye śrotrayordvāravāsinī |
kapolau kālikā rakṣetkarṇamūle tu śāṅkarī || 23||
Meaning May Śaṅkhinī protect the space between the eyes, Dvāravāsinī the ears, Kālikā the cheeks, and Śāṅkarī the root of the ears.
नासिकायां सुगन्धा च उत्तरोष्ठे च चर्चिका ।
अधरे चामृतकला जिह्वायां च सरस्वती ॥ २४॥
nāsikāyāṃ sugandhā ca uttaroṣṭhe ca carcikā |
adhare cāmṛtakalā jihvāyāṃ ca sarasvatī || 24||
Meaning May Sugandhā protect the nose, Carcikā the upper lip, Amṛtakalā the lower lip, and Sarasvatī the tongue.
दन्तान् रक्षतु कौमारी कण्ठदेशे तु चण्डिका ।
घण्टिकां चित्रघण्टा च महामाया च तालुके ॥ २५॥
dantān rakṣatu kaumārī kaṇṭhadeśe tu caṇḍikā |
ghaṇṭikāṃ citraghaṇṭā ca mahāmāyā ca tāluke || 25||
Meaning May Kaumārī protect the teeth, Caṇḍikā the throat-region, Citraghaṇṭā the uvula (ghaṇṭikā), and Mahāmāyā the palate.
कामाक्षी चिबुकं रक्षेद् वाचं मे सर्वमङ्गला ।
ग्रीवायां भद्रकाली च पृष्ठवंशे धनुर्धरी ॥ २६॥
kāmākṣī cibukaṃ rakṣed vācaṃ me sarvamaṅgalā |
grīvāyāṃ bhadrakālī ca pṛṣṭhavaṃśe dhanurdharī || 26||
Meaning May Kāmākṣī protect the chin, Sarvamaṅgalā my speech, Bhadrakālī the neck, and Dhanurdharī the spine (pṛṣṭha-vaṃśa).
नीलग्रीवा बहिःकण्ठे नलिकां नलकूबरी ।
स्कन्धयोः खड्गिनी रक्षेद् बाहू मे वज्रधारिणी ॥ २७॥
nīlagrīvā bahiḥkaṇṭhe nalikāṃ nalakūbarī |
skandhayoḥ khaḍginī rakṣed bāhū me vajradhāriṇī || 27||
Meaning May Nīlagrīvā protect the outer throat, Nalakūbarī the windpipe (nalikā, the tube of the throat), Khaḍginī the two shoulders, and Vajradhāriṇī my arms.
हस्तयोर्दण्डिनी रक्षेदम्बिका चाङ्गुलीषु च ।
नखाञ्छूलेश्वरी रक्षेत्कुक्षौ रक्षेत्कुलेश्वरी ॥ २८॥
hastayordaṇḍinī rakṣedambikā cāṅgulīṣu ca |
nakhāñchūleśvarī rakṣetkukṣau rakṣetkuleśvarī || 28||
Meaning May Daṇḍinī protect the two hands, Ambikā the fingers, Śūleśvarī the nails, and Kuleśvarī the belly (kukṣi).
स्तनौ रक्षेन्महादेवी मनः शोकविनाशिनी ।
हृदये ललिता देवी उदरे शूलधारिणी ॥ २९॥
stanau rakṣenmahādevī manaḥ śokavināśinī |
hṛdaye lalitā devī udare śūladhāriṇī || 29||
Meaning May Mahādevī, destroyer of the mind's grief, protect the two breasts; Goddess Lalitā the heart, and Śūladhāriṇī the belly (udara).
नाभौ च कामिनी रक्षेद् गुह्यं गुह्येश्वरी तथा ।
पूतना कामिका मेढ्रं गुदे महिषवाहिनी ॥ ३०॥
nābhau ca kāminī rakṣed guhyaṃ guhyeśvarī tathā |
pūtanā kāmikā meḍhraṃ gude mahiṣavāhinī || 30||
Meaning May Kāminī protect the navel and Guhyeśvarī the private parts (guhya); Pūtanā and Kāmikā the generative organ (meḍhra), and Mahiṣavāhinī (rider of the buffalo) the anus.
कट्यां भगवती रक्षेज्जानुनी विन्ध्यवासिनी ।
जङ्घे महाबला रक्षेत्सर्वकामप्रदायिनी ॥ ३१॥
kaṭyāṃ bhagavatī rakṣejjānunī vindhyavāsinī |
jaṅghe mahābalā rakṣetsarvakāmapradāyinī || 31||
Meaning May Bhagavatī protect the waist (kaṭi) and Vindhyavāsinī the knees (jānu); may Mahābalā, the giver of all desires, protect the two shanks (jaṅghā).
गुल्फयोर्नारसिंही च पादपृष्ठे तु तैजसी ।
पादाङ्गुलीषु श्री रक्षेत्पादाधस्तलवासिनी ॥ ३२॥
gulphayornārasiṃhī ca pādapṛṣṭhe tu taijasī |
pādāṅgulīṣu śrī rakṣetpādādhastalavāsinī || 32||
Meaning May Nārasiṃhī protect the two ankles (gulpha), Taijasī the tops of the feet, Śrī the toes, and Talavāsinī (she who dwells below) the soles of the feet.
नखान् दंष्ट्राकराली च केशांश्चैवोर्ध्वकेशिनी ।
रोमकूपेषु कौबेरी त्वचं वागीश्वरी तथा ॥ ३३॥
nakhān daṃṣṭrākarālī ca keśāṃścaivordhvakeśinī |
romakūpeṣu kauberī tvacaṃ vāgīśvarī tathā || 33||
Meaning May Daṃṣṭrākarālī protect the nails, Ūrdhvakeśinī the hair, Kauberī the pores (roma-kūpa), and Vāgīśvarī the skin.
रक्तमज्जावसामांसान्यस्थिमेदांसि पार्वती ।
अन्त्राणि कालरात्रिश्च पित्तं च मुकुटेश्वरी ॥ ३४॥
raktamajjāvasāmāṃsānyasthimedāṃsi pārvatī |
antrāṇi kālarātriśca pittaṃ ca mukuṭeśvarī || 34||
Meaning May Pārvatī protect the blood, marrow, fat (vasā), flesh, bones, and adipose (medas); Kālarātri the entrails (antra), and Mukuṭeśvarī the bile (pitta).
पद्मावती पद्मकोशे कफे चूडामणिस्तथा ।
ज्वालामुखी नखज्वालामभेद्या सर्वसन्धिषु ॥ ३५॥
padmāvatī padmakośe kaphe cūḍāmaṇistathā |
jvālāmukhī nakhajvālāmabhedyā sarvasandhiṣu || 35||
Meaning May Padmāvatī protect the lotus of the lungs (padma-kośa), Cūḍāmaṇi the phlegm (kapha), Jvālāmukhī the lustre of the nails (nakha-jvālā), and Abhedyā (the impenetrable one) all the joints (sandhi).
शुक्रं ब्रह्माणि मे रक्षेच्छायां छत्रेश्वरी तथा ।
अहङ्कारं मनो बुद्धिं रक्षेन्मे धर्मधारिणी ॥ ३६॥
śukraṃ brahmāṇi me rakṣecchāyāṃ chatreśvarī tathā |
ahaṅkāraṃ mano buddhiṃ rakṣenme dharmadhāriṇī || 36||
Meaning May Brahmāṇī protect my semen (śukra), Chatreśvarī my shadow (chāyā), and Dharmadhāriṇī my ego (ahaṅkāra), mind (manas) and intellect (buddhi).
प्राणापानौ तथा व्यानमुदानं च समानकम् ।
वज्रहस्ता च मे रक्षेत्प्राणं कल्याणशोभना ॥ ३७॥
prāṇāpānau tathā vyānamudānaṃ ca samānakam |
vajrahastā ca me rakṣetprāṇaṃ kalyāṇaśobhanā || 37||
Meaning May Vajrahastā protect my prāṇa, apāna, vyāna, udāna and samāna airs, and may Kalyāṇaśobhanā (the auspiciously radiant) protect my life-breath (prāṇa).
रसे रूपे च गन्धे च शब्दे स्पर्शे च योगिनी ।
सत्त्वं रजस्तमश्चैव रक्षेन्नारायणी सदा ॥ ३८॥
rase rūpe ca gandhe ca śabde sparśe ca yoginī |
sattvaṃ rajastamaścaiva rakṣennārāyaṇī sadā || 38||
Meaning May Yoginī protect me in taste, form, smell, sound, and touch; and may Nārāyaṇī always protect (my) sattva, rajas, and tamas.
आयू रक्षतु वाराही धर्मं रक्षतु वैष्णवी ।
यशः कीर्तिं च लक्ष्मीं च धनं विद्यां च चक्रिणी ॥ ३९॥
āyū rakṣatu vārāhī dharmaṃ rakṣatu vaiṣṇavī |
yaśaḥ kīrtiṃ ca lakṣmīṃ ca dhanaṃ vidyāṃ ca cakriṇī || 39||
Meaning May Vārāhī protect (my) life-span (āyu) and Vaiṣṇavī (my) dharma; may Cakriṇī (bearer of the discus) protect (my) glory (yaśas), renown (kīrti), fortune (lakṣmī), wealth and learning.
गोत्रमिन्द्राणि मे रक्षेत्पशून्मे रक्ष चण्डिके ।
पुत्रान् रक्षेन्महालक्ष्मीर्भार्यां रक्षतु भैरवी ॥ ४०॥
gotramindrāṇi me rakṣetpaśūnme rakṣa caṇḍike |
putrān rakṣenmahālakṣmīrbhāryāṃ rakṣatu bhairavī || 40||
Meaning May Indrāṇī protect my lineage (gotra). O Caṇḍikā, protect my cattle. May Mahālakṣmī protect (my) sons, and Bhairavī (my) wife.
पन्थानं सुपथा रक्षेन्मार्गं क्षेमकरी तथा ।
राजद्वारे महालक्ष्मीर्विजया सर्वतः स्थिता ॥ ४१॥
panthānaṃ supathā rakṣenmārgaṃ kṣemakarī tathā |
rājadvāre mahālakṣmīrvijayā sarvataḥ sthitā || 41||
Meaning May Supathā protect the road (pantha) and Kṣemakarī the way (mārga); at the king's gate may Mahālakṣmī (protect me), and Vijayā, stationed on every side, (protect me everywhere).
रक्षाहीनं तु यत्स्थानं वर्जितं कवचेन तु ।
तत्सर्वं रक्ष मे देवि जयन्ती पापनाशिनी ॥ ४२॥
rakṣāhīnaṃ tu yatsthānaṃ varjitaṃ kavacena tu |
tatsarvaṃ rakṣa me devi jayantī pāpanāśinī || 42||
Meaning Whatever place is left without protection, omitted by the armour (kavaca) — all of that, O Goddess Jayantī, destroyer of sins, protect for me.
पदमेकं न गच्छेत्तु यदीच्छेच्छुभमात्मनः ।
कवचेनावृतो नित्यं यत्र यत्रैव गच्छति ॥ ४३॥
padamekaṃ na gacchettu yadīcchecchubhamātmanaḥ |
kavacenāvṛto nityaṃ yatra yatraiva gacchati || 43||
Meaning One who desires his own good should not take even a single step (without this armour). He who, ever enveloped by the armour, goes wherever he goes —
तत्र तत्रार्थलाभश्च विजयः सार्वकामिकः ।
यं यं चिन्तयते कामं तं तं प्राप्नोति निश्चितम् ।
परमैश्वर्यमतुलं प्राप्स्यते भूतले पुमान् ॥ ४४॥
tatra tatrārthalābhaśca vijayaḥ sārvakāmikaḥ |
yaṃ yaṃ cintayate kāmaṃ taṃ taṃ prāpnoti niścitam |
paramaiśvaryamatulaṃ prāpsyate bhūtale pumān || 44||
Meaning — there he gains wealth (artha-lābha) and a victory that fulfils every desire. Whatever desire he contemplates, that he surely attains; such a man will attain unequalled supreme prosperity (paramaiśvarya) on earth.
निर्भयो जायते मर्त्यः सङ्ग्रामेष्वपराजितः ।
त्रैलोक्ये तु भवेत्पूज्यः कवचेनावृतः पुमान् ॥ ४५॥
nirbhayo jāyate martyaḥ saṅgrāmeṣvaparājitaḥ |
trailokye tu bhavetpūjyaḥ kavacenāvṛtaḥ pumān || 45||
Meaning The mortal becomes fearless and unconquered in battles. The man protected by the armour becomes worthy of worship throughout the three worlds.
इदं तु देव्याः कवचं देवानामपि दुर्लभम् ।
यः पठेत्प्रयतो नित्यं त्रिसन्ध्यं श्रद्धयान्वितः ॥ ४६॥
idaṃ tu devyāḥ kavacaṃ devānāmapi durlabham |
yaḥ paṭhetprayato nityaṃ trisandhyaṃ śraddhayānvitaḥ || 46||
Meaning This armour of the Goddess is hard to obtain even for the gods. Whoever, self-restrained (prayata), recites it daily with faith at the three junctures of the day (trisandhya) —
दैवी कला भवेत्तस्य त्रैलोक्येष्वपराजितः ।
जीवेद् वर्षशतं साग्रमपमृत्युविवर्जितः ॥ ४७॥
daivī kalā bhavettasya trailokyeṣvaparājitaḥ |
jīved varṣaśataṃ sāgramapamṛtyuvivarjitaḥ || 47||
Meaning Divine power (daivī kalā) arises in him, and he remains unconquered in the three worlds; free from untimely death (apamṛtyu), he lives a full hundred years and more.
नश्यन्ति व्याधयः सर्वे लूताविस्फोटकादयः ।
स्थावरं जङ्गमं चैव कृत्रिमं चापि यद्विषम् ॥ ४८॥
naśyanti vyādhayaḥ sarve lūtāvisphoṭakādayaḥ |
sthāvaraṃ jaṅgamaṃ caiva kṛtrimaṃ cāpi yadviṣam || 48||
Meaning All his diseases perish — spider-poison (lūtā), pustules and boils (visphoṭaka), and the like; and whatever poison there is, immobile (sthāvara, of plants and minerals), mobile (jaṅgama, of creatures) or artificial (kṛtrima) —
अभिचाराणि सर्वाणि मन्त्रयन्त्राणि भूतले ।
भूचराः खेचराश्चैव जलजाश्चोपदेशिकाः ॥ ४९॥
abhicārāṇi sarvāṇi mantrayantrāṇi bhūtale |
bhūcarāḥ khecarāścaiva jalajāścopadeśikāḥ || 49||
Meaning — all sorcerous rites (abhicāra), spells and magical devices (mantra-yantra) on earth; beings that roam the earth (bhūcara) and the sky (khecara), those born in water (jalaja), and those raised through instruction (aupadeśika) —
सहजा कुलजा माला डाकिनी शाकिनी तथा ।
अन्तरिक्षचरा घोरा डाकिन्यश्च महाबलाः ॥ ५०॥
sahajā kulajā mālā ḍākinī śākinī tathā |
antarikṣacarā ghorā ḍākinyaśca mahābalāḥ || 50||
Meaning — the innate (sahajā), the family-born (kulajā), Mālā, Ḍākinī and Śākinī, and the terrible, mighty Ḍākinīs (mahābalāḥ) that roam the mid-air (antarikṣa-carā) —
ग्रहभूतपिशाचाश्च यक्षगन्धर्वराक्षसाः ।
ब्रह्मराक्षसवेतालाः कूष्माण्डा भैरवादयः ॥ ५१॥
grahabhūtapiśācāśca yakṣagandharvarākṣasāḥ |
brahmarākṣasavetālāḥ kūṣmāṇḍā bhairavādayaḥ || 51||
Meaning — planetary spirits (graha), ghosts (bhūta), goblins (piśāca), yakṣas, gandharvas, rākṣasas, brahma-rākṣasas, vetālas, kūṣmāṇḍas, bhairavas, and the like —
नश्यन्ति दर्शनात्तस्य कवचे हृदि संस्थिते ।
मानोन्नतिर्भवेद् राज्ञस्तेजोवृद्धिकरं परम् ॥ ५२॥
naśyanti darśanāttasya kavace hṛdi saṃsthite |
mānonnatirbhaved rājñastejovṛddhikaraṃ param || 52||
Meaning — all these perish at the mere sight of him when the armour is established in his heart. His honour rises with the king; (this armour) is the supreme increaser of radiance (tejas).
यशसा वर्धते सोऽपि कीर्तिमण्डितभूतले ।
जपेत्सप्तशतीं चण्डीं कृत्वा तु कवचं पुरा ॥ ५३॥
yaśasā vardhate so'pi kīrtimaṇḍitabhūtale |
japetsaptaśatīṃ caṇḍīṃ kṛtvā tu kavacaṃ purā || 53||
Meaning He too grows in glory upon an earth adorned with his renown. Having first recited the armour, one should then recite the Caṇḍī Saptaśatī.
यावद्भूमण्डलं धत्ते सशैलवनकाननम् ।
तावत्तिष्ठति मेदिन्यां संततिः पुत्रपौत्रिकी ॥ ५४॥
yāvadbhūmaṇḍalaṃ dhatte saśailavanakānanam |
tāvattiṣṭhati medinyāṃ saṃtatiḥ putrapautrikī || 54||
Meaning As long as the earth-sphere, with its mountains, forests, and groves, endures, so long does his line of sons and grandsons abide upon the earth (medinī).
देहान्ते परमं स्थानं यत्सुरैरपि दुर्लभम् ।
प्राप्नोति पुरुषो नित्यं महामायाप्रसादतः ॥ ५५॥
dehānte paramaṃ sthānaṃ yatsurairapi durlabham |
prāpnoti puruṣo nityaṃ mahāmāyāprasādataḥ || 55||
Meaning At the end of the body, by the grace of Mahāmāyā, the man attains, for ever, the supreme abode (paramaṃ sthānam) that is hard to reach even for the gods.
लभते परमं रूपं शिवेन सह मोदते ॥ ॐ ॥ ५६॥
labhate paramaṃ rūpaṃ śivena saha modate || oṃ || 56||
Meaning He attains the supreme form and rejoices with Śiva. Om.
॥ इति देव्याः कवचं सम्पूर्णम् ॥
|| iti devyāḥ kavacaṃ sampūrṇam ||
Meaning Thus the Devī's Kavaca (armour) is complete.
